An o Internacionalno dive e Romengoro, but kulturakere, muzikakere, scensko thaj aver performansia, numa ni jekh protestno tromalo marši, dokumento, manifesto thaj deklaracia

Avilo thaj gelo o 8-to April Internacionalno dive eRomenge. Sikavdo baro numero informacie, hulavde taro organizatoria akale aktenge, dikhlem, opera, teatarsko performanso. muzika, kheliba, koktelia, deiba plakete , taro sa po hari, numa majhari taro okova so trubul sine te ovel marši toleranciake. tromalo protesto, Deklaracia, manifesto thaj aver dokumento.

Ikljola kaj o Roma an i lumia si sa lenge ok, thaj na trubul asavke inicijative. A sako dive dikhaja sar kerel pe bibaht, diskriminacia, stereotipizacia, natolerancia mujal o Roma, numa ni jekh kerdi reakcia, Decizia, dokumento jali strategia sar majodorig te kera!

Sar an o ripit sako organizatori drabaren site historia e Romengiri, lafikeriba , diskusie, numa ni jekh ando dokumento!
Sa akala organizirime aktia sine sar jekh averea. A palo odova notacie kaj ola kergje but lačheste organizacia sar ni jekh aver.
Sa jekh jekhea copy paste tari Wikipedia lendo i historia e Romengiri, thaj majodorig čhivdo piro momenti, poezia, gili, muzika, plakete thaj – odova! Nakhlja o dive m sastipa dži ko aver 8-mi April!
Sako barikane thaj egositikane khedel o lovorike peske. N amukhena than relevantno manušenge so si len paše koorelacia e diveseske.
Sar jekh normalno egzamplo: Ni jekh taro organizatoria akale manifestacienge na dengja pe godi kaj Presidento e Tomane organizaciake so sine jekhto inicijatori te ikerel pe o Kongreso an o 1971 berš an o London si op IRU thaj desave logično momentea olakoro aktuelno presidento si tari Makedonia, Skopje.
Numa o suete, ego tripi , ignor momenti thaj aver, na mukhela te akharen salde sar oficialno misafiri e Presidento an o IRU -Zoran Dimov

Sa si klar sar dive! Sako amendar korkoro kamas te ova – FAKTORI! Soske ov kana šaj te ovav ME!
E odoleske ka ova majpalal 100 berša!
A oja! Ka bistrav sine. An i Makedonia aso o pois angleder 20 berša siem 2.6% tarp sa o nacionalitetia an i them , a an i administracia sar reciprociteto siam notirime phareste 0.5%
Baro progreso!
But e beršenge 8 April – Internacionalno dive amare Romenge!

Ostavite komentar